| | 呢幾日人捐我捐，錢會去邊冇人諗，幫到幾多冇人理，俾人抽左幾多水都冇人問。
唔係話唔捐，但中國而家萬億外匯儲備，我實在唔明點解仲會有人話要賑災籌款，仲要話會由中聯辦代為轉交中央政府。
好難明白呢十億八億cash會0係今次救災行動中對坐擁豐厚儲備既中國有乜幫助。難道冇人捐錢，十幾萬解放軍會冇糧出？冇左呢十億八億中國會冇錢重建?!
好明顯，冇人捐錢俾政府，以國家今時今日既奧運級人力物力，都一定會不惜工本救災的。救災救唔掂，只會因為政府機構協調不力，當政府機構靠唔住既時候，就只可靠民間組織。所以要捐款，就捐去民間組織如紅十字會，絕對唔係靠呢班友:
捐就捐，整咁大張支票做乜？大家既血汗錢 係用黎賑災，而唔係俾呢D人用黎做政治抽水獻媚，搞埋D無謂SHOW。
仲要大大聲話 致函溫家寶總理，表達對四川災民慰問
華人民共和國國務院
溫家寶總理
賑濟四川地震災民
驚悉四川省汶川縣昨日發生黎克特製 7.8 級強烈地震，震動達半個亞洲，香港、臺灣、泰國等地亦感受到。四川地震造成當地居民嚴重的傷亡，是自唐山大地震 32 年來，我國發生破壞性最為嚴重、最為驚心動魄的大地震。
地震發生後，得悉中央政府立刻啟動一級應急措施，更聞總理閣下即親赴成都指揮抗震救災，又調動過萬解放軍和救援人員趕往災區救災，愛民如子、憂國憂
民之情盡為體現。民建聯深感中央政府迅速展開救援工作，並立即發佈訊息讓外界得悉災情的最新情況，充份體現以人為本、執政為民的施政理念。
民建聯對地震造成的災難深感難過，希望透過總理閣下向災區居民轉達深切慰問。民建聯作為香港的愛國政團，定當協助災民重建家園，而我們即將發起賑災籌款活動，聯同香港巿民支持國內廣大災民抗災，以表達港人對國內同胞的關愛。
民建聯深信，在黨中央和國務院的領導下，全國人民戮力一心，眾志成城，定能迅速完成抗震的艱巨工作。
祝願
災民早日康復！
民建聯主席
譚耀宗
二零零八年五月十三日
頭一段講左等於冇講可以不理，完全係中學生作文諗唔到寫乜夾硬將題目抄一次當有寫過野既感覺。之後成封信中歌功頌德，我完全睇唔到佢幾有誠意慰問災民。而家民建聯上下個個有晒回鄉證隨時可以上四川幫下手探下災民，我諗極都諗唔明點解佢地連慰問災民都要由溫總代理。佢地又期望溫總點樣代表佢地既愛國熱忱向災民慰問呢?!
要慰問既係四川災民，但信就寫俾溫家寶，真係匪夷所思！!
其實搞咁多野，都係為左表示「愛國」-- 冇乜表示，就冇人睇到；冇人睇到，就即係你唔愛國；你唔愛國，就即係漢奸。簡單。
至於特區0個三億幫到幾多係次要，最緊要數字夠大夠誇。本住「我請客，你付鈔」既原則，俾著我係特首，我都唔會同你慳。香港有幾多個人過去幫手唔係重點，0係一D人眼中，最緊要就銀碼夠大。須知道「愛國值千金」，0係呢個時勢，冇野大鑊得過一個「唔愛國」既罪名。
|
| | Posted 5/19/2008 10:11 PM - 58 Views - 4 eProps - 2 comments
- recommend
  - recs0
- share
- email
 - sent0
|
